నేనూ ..ఓ నంది కేశ్వరనోమూ

నేనూ ..ఓ నంది కేశ్వరనోమూ పెద్ద గాధ .కాస్త ఓపిగ్గా చదవండి ఫలశృతి దక్కుతుంది మరి : :-D

రేపు నందికేశ్వర నోము పొద్దునే 8 గంటలకి ప్రసాదానికి వచ్చేయండి అంటూ బొట్టు పెట్టి మరీ పిలిచింది మా పక్కింటావిడ .మర్నాడు ఆఫీసు మీటింగ్ . కస్టమర్ కి presentation ఇవ్వాలి అదీ వాళ్ళ ఆఫీసు లో నే బోర్డ్ అఫ్ directors ముందు . చాల పెద్ద టెలికాం కంపెనీ జాగ్రత్త ఈ ఆర్డర్ విషయం లో అంటూ వారం ముందు నుండీ ఊదర కొడుతున్నాడు మా బాస్. అదే విషయం చెప్పేసాను రేపు కుదరేదేమో ఆంటీ ఆఫీసు లో అర్జెంటు పని ఉంది అని. అయ్యో అలా అంటే ఎలా అమ్మాయి ఎంత సేపు ఓ పది నిముషాలే తినేసి వెల్లిపోదువులే అంటూ బతిమాలింది.

సరే తప్పుతుందా అనుకుంటూ మర్నాడు పొద్దునే 8 గంటలకి వెళ్లాను అప్పటికే అక్కడా అంతా హాడావిడి . ప్రసాదం అంటే ఏ పులిహారో పెడతారు అనుకుని బోల్డు ఆశపడ్డ నాకు అరిటాకులో భారీ ఎత్తున పరమాన్నం అదీ బెల్లం తో చేసింది పెట్టేసారు ద్యావుడా నేనసలే స్వీట్లు ఇష్టపడను పొద్దు పొద్దునే ఇదెలారా తినడం అనుకుంటూ ఉంటే ఆకులో ఏదీ మిగల్చకూడదమ్మ అంటూ వాళ్ళ అత్తగారు చిన్న సైజు ఆజ్ఞ వేసేసారు . పక్కనో గ్లాస్ నీళ్ళు పెట్టుకొని అతి కష్టం మీద ఏదో తినేసాను హమ్మయ్య అనుకుంటూ లేచే లోపు మళ్ళీ తిన్న దానికి రెండింతలు మళ్ళీ అడక్కుండా వేసేసింది ..

ఆంటీ నా వాళ్ళ కాదు ఇంతకన్నా తినలేను బాబోయ్ అని మొత్తుకున్నా . చేసిన ప్రసాదం మొత్తం సాయంత్రం లోపు అయిపోవాలి లేకపోతె ఫలితం దక్కదు ..మీరంతా ఈ వక్కరోజు కష్టపడాలి తప్పదు అంటూ నవ్వేసింది మహా తల్లి.

ఇలా ఆవిడకు పుణ్యం ప్రాప్తించడం కోసం తప్పని సరిగా భాద్యతను భుజాల మీద వేసుకొని రెండో సారి .. లోపల పొంగుకొస్తున్న ఏడుపు బలవంతంగా ఆపుకొని గంట కష్టపడి అయ్యిందనిపించాను మధ్య మధ్య చర్నాకోల్ జులిపిస్తూ పెద్దావిడ తిను తిను అంటూ .అప్పటికే టైం అవుతోంది తినేసి గబా గబా ఆటో పట్టుకొని బయలుదేరాను ..దారి మద్యలో ఒకటే తిప్పడం వోమిటింగ్ సెన్సేషన్ . చివరకి దారి మధ్య లో మొత్తం కక్కేసాను .డ్రెస్ కొంచెం పాడయింది. మీటింగ్ కి వెళ్ళాలి ఎలా రా బాబు అనుకుంటూ ..వెనక్కి వెళ్ళే టైం లేదు. బేగంపెట్ దగ్గర shopper stop దగ్గర కాసేపు ఆటో ఆపి ..మళ్ళీ ఇంకో డ్రెస్ కొని (షాప్ లో పాపం కాసేపు నన్ను క్షణం క్షణం లో బ్రహ్మానందం చూసినట్లు చూసారు :-P ) trial room lo మార్చుకొని ..మళ్ళీ ఆటో ఎక్కేసాను .

అయినా వోమిటింగ్ సెన్సేషన్ తగ్గదే..అతి కష్టం మీద ఆఫీసు చేరుకొని అపటికే నా కోసం వెయిటింగ్ అంతా . why late revathi అంటూ మా బాస్ question . stomach upset అంటూ సంజాయిషీ ఇస్తే ..ఈ మీటింగ్ ఎంత ఇంపార్టెంట్ తెలుసుగా నిన్న ఒక్కరోజు ఫుడ్ విషయం లో కేర్ తీసుకోవచ్చు గా అంటూ .నిన్నల్లా అడ్డమైన గడ్డీ తినకపోతే ఏం నష్టం అనే టైపు లో ఓ సీరియస్ లుక్కొకటి విసిరాడు. .

సరే మొత్తానికి presentation ఇచ్చేసి ..ఊపిరి పీల్చుకున్నా .మీటింగ్ అయిపోతే ఇంటికి చెక్కేయోచ్చుఅని.

మీటింగ్ అవ్వగానే " you have done wonder full job ..we will conclude the meeting after lunch " ..అంటూ వచ్చారు managing director . అప్పుడు కాని వెలగలేదు మీటింగ్ followed by లంచ్ అన్న విషయం ..వామ్మో ఇంకో భోజనమా ఇంకా ఎక్కడ తినను.

సర్ vomiting sensation గా ఉంది మీరు కానివ్వండి అనేసి కాసేపు అలా సీట్లో relax అవుతుంటే .ఆఫీసు బాయ్ ఓ పెద్ద ప్లేట్ నా ముందు ఉంచాడు madam మీరు లంచ్ చేయలేదు అని మీకు స్పెషల్ గా ఇది ఆర్డర్ చేసారు మా సర్ అని చూద్దును కదా దాన్నిండా గులాబ్ జమూనులు ఇంకా ఏవేవో రకరకాల స్వీట్లు . నేను తినలేను అని సున్నితం గా వద్దు అని చెబుతుండగా మళ్ళీ ఊడిపడ్డాడు మా MD .

మనం కస్టమర్ ప్లేస్ లో ఉన్నాం ఫార్మాలిటీస్ maintain చేయాలి .లంచ్ చేయకున్నా పర్లేదు మరీ ఇది కూడా తినను అంటే ఎలా "It looks so embarrassing revathi " అంటూ మళ్ళీ ఇంకో ఆర్డర్ లాంటి వేడుకోలు తో కూడిన బతిమాలడం లాంటి బుజ్జగింపు :-P
.
మళ్ళీ కంపెనీ పరువు నిలబెట్టడం కోసం ఇంకోసారి ఒక్క స్వీట్ ముక్క నోట్లో వేసుకున్న అంతే .. ఈ సారి మాత్రం నా స్టమక్ నా మీద పెద్ద ఎత్తున తిరుగుబాటు చేసింది. మళ్ళీ vomiting s . ఈ సారి ఇంటికి వెళ్తా అని అడగాల్సిన అవసరమే రాలేదు. పాపం వాళ్ళే కంగారు పడి అర్జెంటుగా డాక్టర్ దగ్గరకి తీసుకెళ్ళి మా వారికి ఫోన్ చేసారు.

ఆ తర్వాత ఓ నెల రోజులు ఫుడ్ ఉన్న ప్లేట్ చూస్తే.. ఏం జరిగిందో చెప్పకర్లేదు కదా. నందికేశ్వర నోము పుణ్యమా అని ఆ నెల రోజుల్లో అలా ఫుడ్ అలెర్జి వచ్చేసింది.

ఆవిడకు బోల్డు పుణ్యం వచ్చిందో లేదో తెలియదు కానీ ..నాకు బోల్డు అలెర్జి మాత్రం వచ్చేసింది అదండీ సంగతీ :-