మైనర్ భార్య విషయం లో సుప్రీమ్ కోర్ట్ తీర్పు మీద ఎంతో మంది పెద్దలు అనుకున్న వాళ్ళు ఇలాంటి తీర్పుని స్వాగతించాల్సింది పోయి అవమానకరం గా హేళన గా పోస్ట్ లు పెడుతున్నారు. ఇంత సున్నితమైన విషయం మీద కామెడీ చేస్తుంటే బాధేస్తుంది. దాని వెనుక సామజిక ఆర్ధిక కోణాలు చూడాలి అంటూ తర్కాలు చేసే వాళ్ళు కొందరు. ఏముంటాయి సామజిక ఆర్ధిక కోణాలు ?
పున్నామ నరకము అదీ ఇదీ అంటూ మగపిల్లల కోసం హిందువులు . అల్లాహ్ శపిస్తాడు అని కుటుంబ నియంత్రణ ఆపరేషన్ చేసుకుంటే అని ముస్లిం లూ సంతానం పెంచుకుంటూ పోవడం . తర్వాత పోషించే స్తోమత లేక ..ఆడపిల్లల్ని పెళ్లి పేరుతో వదిలించుకోడం. ఎలా సమర్ధిస్తాం ఇంత చెత్తని.నిజానికి ఇవి పెళ్లిళ్లు కావు. ఆడపిల్లని బెదిరించి .పెళ్లి చేసి బలవంతంగా శోభనం గదిలో తోసి మానసికంగా ఇష్టం లేని వ్యక్తి తో కలవాలని శాసించడం అంటే తల్లి తండ్రులే దగ్గరుండి మరీ వ్యభిచారం చేయించడం కాదా ?
50 శాతం వివాహాలు బాల్యవివాహాలు అందులో చాల వరకూ ఆ పిల్ల ఇష్టాలతో ప్రమేయం లేకుండా జరిపేవి. అని స్పష్టంగా అధికారిక నివేదికలు చెప్తున్నాయి. దాదాపు చాలా వరకూ మాత శిశు మరణాలు , ప్రసవానంతర మరణాలూ అన్నీ ఇలా బాల్య వివాహాలు బారిన పడ్డ స్త్రీలవే.
ఇన్నాళ్లూ మతాల పేరుతో స్త్రీ శారీరక స్థితి ఆమె మనసునూ ఏదీ పట్టించుకోకుండా తెలుసుకోకుండా పురుషులు తమని తమ అవసరాలని మాత్రమే దృష్టిలో పెట్టుకొని ఇష్టానుసారంగా అశాస్త్రీయమైన మత గ్రంధాలు రాసి ఎంతో మంది స్త్రీలను బలి తీసుకున్నది చాలదా ? ఇప్పుడైనా ఇలాంటి తీర్పులను మార్పు కోసం చేసే ప్రయత్నాల్లో మంచి అడుగులుగా గుర్తించాల్సిన అవసరం లేదా ? మార్పు కోసం జరిగే ప్రక్రియలో ఇలాంటివి అన్నీ ఉపయోగపడతాయి. శాస్త్రీయ విషయాల మీద ఏ మాత్రం అవగాహనా లేని రోజుల్లో రాసిన అన్ని మత గ్రంధాలను ఇప్పటికీ పట్టుకొని వేళ్ళాడుతూ అదే ప్రామాణికం అనుకోడం మూర్ఖత్వమే. .
ఎంతో మంది బాల్యవివాహాలు చేసుకున్న పిల్లలని కలిసాం ఓ ngo లో వర్క్ చేస్తున్నప్పుడు. కళ్ళలో నీళ్లు ఆగవు. మనిషిగా పుట్టినందుకు ఒక్కక్షణం అసహ్యం వేసి చచ్చిపోవాలి అనిపిస్తుంది. సామాజిక కోణాలు ఆర్ధిక కోణాలు తొక్కా తోలూ అంటూ సమర్ధించే ప్రయ్నతాలు చేయడం కాదు పెంచే స్థోమత లేనప్పుడు ఎందుకు కనడం పందులూ కంటాయి వాటికీ మనకీ తేడాలేదూ ... నిర్ణయాలు తీసుకునే వయసూ, లైంగిక జీవితం పట్ల అవహగానా రెండూ ఉండని వయసు. తీరా పెళ్లి అయ్యాక భయబ్రాంతులకు గురి అవుతున్నారు.
ఆమె ఇష్టప్రకారం జరిగితే ఆమె కోర్ట్ కి వెళ్ళదు కదా ..బలవంతంగా పెళ్లి జరిగినప్పుడు ఇక అలాంటి పరిస్థితి తాను భరించలేనని ఆమె అనుకున్నప్పుడు ఎవరి సహాయంతో నైనా కోర్ట్ గడప తొక్కితే ..ఇలాంటి తీర్పులు ఆమెకి సహాయపడతాయి. ఆమె ఇష్టాయిష్టాలతో పనిలేకుండా బాల్యవివాహాలు తప్పని తెలిసీ చేసుకోడం ఆ పై బలవంతంగా పసిపిల్లలను రమించేవాడు బతికినా చచ్చిన శవంతో సమానం ఆలాంటి వెధవలు నుండీ ఆమె కి రక్షణ అక్కర్లేదా ? ఎందుకు ఈ తీర్పుని వ్యతిరేకిస్తున్నాం ?
ఇలాటి చట్టాలు దుర్వినియోగం అవుతాయని కొందరి వాదన. .ఈ తీర్పు పూర్తిగా మైనర్ వివాహాలకి సంభందించినది ..మైనర్ వివాహం కాకపొతే గొడవే లేదు దుర్వినియోగం అవుతుందని. ఒకవేళ మైనర్ వివాహమే అయితే అసలు అలా చేసుకోడమే చట్ట విరుద్ధం అయినప్పుడు .ఇక దుర్వినియోగం ప్రసక్తి ఎక్కడుంది .చట్ట విరుద్ధమైన పని చేసి. ..వాళ్లెవరో చట్టం దుర్నివియోగం చేసి కేసు లు పెడతారని భయపడడం ఏంటి వింతగా
No comments:
Post a Comment