ఆ విధంగా పాపములు ఏడాదంతా చేసి . పర్వదినములందు భక్తితో . ఛానల్ లో అయ్యవార్ల పాప విమోచన సలహాలను "తూ" "ఛ " తప్పకుండా పాటించి మన పాపములన్నియూ భక్తిగా దేవునికి సమర్పించి చిత్ర గుప్తుడి బాలన్ షీట్ లో . పాప పుణ్యాల లెక్కలు సరి చేసుకోవచ్చును .
ఒక వేళ హిందూ మతం లో పుట్టకపోవడం వాళ్ళ ఈ ఫెసిలిటీ మిస్ అయిన వాళ్ళు ఏ మాత్రం చింతించ నవసరం లేదు. చర్చి లో పాస్టర్ ఇచ్చిన పవిత్ర జలం సేవించి .కిందపడి గిలా గిలా తన్నుకుంటూ దొర్లి దొర్లి శుద్ధుడై పోవచ్చును మీరు కింద పడి చిత్ర విచిత్రముగా గిల గిల మని తన్నుకోవటానికి చర్చి లో ధవళ వస్త్రధారులైన దేవ దూతలు సహాయం చేయుదురు .
అట్లే మీ పాపా భారం మోయలేక చతికలపడిన మీకు దర్గా యందు మంత్రించిన తాయెత్తు తో మిమ్ములను తిరిగి మామూలుగా చేయుదురు .
మరి యొక్క మిక్కిలి ఆనంద దాయక మైన విషయం ఏమనగా ఈ పాపముల చిట్టా అన్ని మతములు యందు ఒకే రీతి లేనందున ..కొన్ని మతములు అత్యంత పాపములనూ పాపముగా చూడనందున . .మాహా పాపులారా మన పాపములు ఏ మతం అనుమతించునో అక్కడ కి మనం జంప్ జిలానీలుగా దూక వచ్చు.
ఈ యొక్క పాపా విమోచన సదుపాయం మనకు అన్ని మతములందు వేరు వేరు ప్రక్రియల ద్వారా ,వేరు వేరు నామములతో అందుబాటులో ఉన్నందున. పాపులు ఇక యెంత మాత్రం చింతించనవసరం లేదు.
పాపులారా మతముల యొద్దకు రండు, వచ్చి నిద్రించుడి . పాపో రక్షతి రక్షితః
వచ్చి ఇట్టి సదవకాశం పెసాదించిన మన మతములనందు మిక్కిలి మోహావేశం కలిగి , ఆ సాలె గూటి యందు పెసాంతంగా చేరి పాపములు దాని ప్రక్షాళనములూ రెండునూ సమంగా చేయుచూ మన మెదడు పై భారం లేకుండగా స్థిత ప్రజ్ఞత సాధించి ఇక నిద్రించవచ్చును . ఇట్టి మన సుదీర్ఘ నిద్రావస్థకి భంగం కలిగించు వారినెవరినైనా ఉపేక్షించ తగదు. వీర సైనికులవలె పోరాడి పోరాడి ,మతమును సాలె గూడుని భద్రం గా కాపాడుకుంటూ తిరిగి మన మెదడు ని నిద్రపుచ్చవలెను. ఇట్లు చేయుట మీ యొక్క ముఖ్య విధిగా గుర్తించ వలెను.
ఈ కధ చదివిన వారికీ , విన్న వారికీ సకల పాపములు తొలగి ..మరిన్ని పాపములు చేయుటకు అనుమతి దొరకును.
..బ్లాగ్ యందు చదివినచో .ఫల శృతి దక్కును అని సూత మహాముని ఉవాచ
శుభం భూయాత్. ఓ శాంతి శాంతి .
ఆమెన్ (ఎహె ఆమెన్ అంటే "ఆ మెన్ " కాదహే దిక్కులు చూడకండి )
అల్లా అచ్చా కరేగా
సబ్ కా మాలిక్ ఏక్ హై (ఓ కౌన్ హై అని అడక్కండి నాకు భీ తెల్వద్) 
No comments:
Post a Comment