ఈ లలితా కిరణాలూ ,, ధన సంహరణాలు ,, చైతన్య రహితాలు , మౌన రోదనలూ "
(ఈ ఉష కిరణాలూ సాంగ్ లా పాడుకోండి కాస్త )
టీవీ లో లలితా జెవెల్లెర్స్ ప్రకటనల పుణ్యం కాస్త , పండగ లు కాస్త మొత్తానికి ఆ షాప్ ముందర ఉన్న ట్రాఫిక్ ,వాహనాలు చూసి కళ్ళు జిగేల్మని . అలా సాంగ్ సింగేసుకున్నాక ఇలా రాయాలనిపించి
బంగారం మంచి ఇన్వెస్ట్మెంట్ అని మన దగ్గర అనుకుంటాం అవసరానికి ఆదుకుంటుంది కానీ నిజానికి ఇక్కడ మనల్ని ఆదుకునేది .."పొదుపు" ..బంగారం కాదు. ఆ ఇన్వెస్ట్మెంట్ ఎక్కడ పెట్టినా ఆదుకుంటుంది అది బంగారమే కానక్కర్లేదు .
భర్త సంపాదన ,ఎంత సేవ్ చేస్తున్నాడు ఇత్యాది విషయాలు ఇంటి ఆర్ధిక పరిస్థితి భర్త షేర్ చేయనప్పుడు అభద్రతా భావంతో ఉన్న సంపాదన లేని స్త్రీలకి మాత్రమే తమవంతుగా భవిష్యత్తు కోసం బంగారం రూపం లో దాచి ఉంచడానికి ఇన్వెస్ట్మెంట్ గా కాస్త ఉపయోగపడేది .
ఒక వేళ ఆ understanding భార్య భర్తల మధ్య నిజంగా ఉండి కలిసి ఆర్ధిక పరమైన విషయాల మీద నిర్ణయాలు తీసుకోగలిగినప్పుడు బంగారం నగలు కొనడం .. ఇన్వెస్ట్మెంట్ కి బెటర్ ఛాయస్ మాత్రం కాదు ఎంత బ్రాండెడ్ షాప్ అయినా మనం వాళ్ళ దగ్గర కొన్న నగని ఆ మర్నాడు అదే షాప్ లో అమ్మడానికి ప్రయత్నిస్తే అంతే డబ్బు వస్తుందా రాదు అంతెందుకు కొన్న పది నిముషాల్లో ఆ పక్క కి తీసుకెళ్లి అమ్మినా ఎంత ధరకి కొన్నామో అంత రాదు. బంగారం ధర పెరుగుతుంది కదా అంటే అది ఇతర ఇన్వెస్ట్మెంట్ ల పెరుగుదల తో పోలిస్తే ఎక్కువ ఏమీ కాదు. పైగా అమ్మేటప్పుడు బంగారం ధర మీద 80 శాతం మాత్రమే పొందగలుతాం అదీ కాకా అందులో పొదిగిన రాళ్ళూ ఇవేవీ consider చేయరు .కొనేటప్పుడు వీటన్నటికీ మనం పే చేస్తాం
మనదేశం లో బంగారం ఖనిజ నిల్వలు లేవు ఉన్నదల్లా దాని మీద మోజే . బంగారాన్ని పెద్ద ఎత్తున దిగుమతి చేసుకోవాలి అవసరాలకి తగ్గట్లుగా . దాని కోసం దేశం చేసే ఖర్చు పరోక్షంగా Current Account Deficit కారణం అవుతోంది . పెట్రోల్ ధరలు అంతర్జాతీయ మార్కెట్ కన్నా కూడా మన దగ్గర ఎక్కువ గా ఉండడానికి బంగారం దిగుమతి కోసం పెద్ద ఎత్తున ఖర్చుపెట్టే విదేశ మారక నిల్వలూ ఒక కారణం . ఎకానమీ మీద వ్యతిరేక ప్రభావం చూపిస్తూ GDP గ్రోత్ రేట్ నెమ్మదించడానికి ..ఇండియా అభివృద్ధి చెందిన దేశంగా కాకుండా ఎన్నేళ్లయినా "developing country " గానే మిగిలిపోడానికీ బంగారం బంగారం లాంటి పాత్ర పోషిస్తోంది. దేశం లో నల్ల కుబేరాలకూ అడ్డా ..ఈ బంగారమే
ఇది ఆర్ధికపరమైనవి అయితే సామాజికంగా ఇంకొన్ని విషయాలు ఉన్నాయి
బంగారం ఫంక్షన్ లలో ఒక ఆర్ధిక బల ప్రదర్శనగా మారిపోయింది. ఎప్పటికప్పుడు మారుతోన్న లేటెస్ట్ మోడల్ లను తమ మెడల్లో దింపేసుకుంటే కానీ మనశాంతి పొందని స్త్రీలెందరో . సరే తమ సంపాదనతో కొనుక్కుంటే అది వేరు కానీ భర్త మాత్రమే వంటి చేత్తో సంపాదించే కుటుంబాల్లోనూ ,బంగారం కొనుగోళ్లు కోసం భర్తలను వత్తిడికి గురి చేస్తున్నారు . పండగలు వస్తున్నాయంటే ..షాపింగ్ వ్యయాలకిలకి భయపడుతూ ఆదాయ వ్యయాల లెక్కలు చూసుకునే దుఃఖాన్ని దిగమింకుని మరీ బలవంతంగా నవ్వడానికి ప్రయత్నించే మగ కోలీగ్స్ ని చూసి పాపం 
స్త్రీల మధ్య జరిగే ఈ ఆర్ధిక ప్రదర్శనల ల్లో పొంగి పొర్లే అహంకారాలూ , ఆత్మనూన్యతలూ, అసూయలు ..ఇంకా బంగారంలాంటి స్నేహాలు. ఉన్నట్లుండి బగ్గుమని మండి "పోవడానికి " అప్పుడప్పుడు కారణాలు కూడా ఈ బంగారమే
"వ్యక్తిత్వం , ఆత్మవిశ్వాసం తో నిండిన కళ్ళు , పెదవుల మీద చెరగని చిరునవ్వు " మనిషికి నిజమైన ఆభరణాలు కదా. ..అది వదిలేసి ఈ "లోహాల" వెంట పరుగులేంటి
మార్కెట్ లో కొత్త మోడల్ లు వచ్చాయనో, పండగ వచ్చిందనో , ఫాషన్ ప్రదర్శన కోసమో, బల ప్రదర్శన కోసం బంగారం కొనడం కాదు ..ఒక పద్దతితో చేసే ఇన్వెస్ట్మెంట్ లో భాగం గా అవసరార్ధం లేదా అవసరమైన చోట మాత్రమే బంగారం ..
ఆ చేత్తో కాస్త దేశ సేవ కూడా చేసినట్లే బంగారం లాంటి దేశాన్ని. . అభివృద్ధి చెందిన దేశంగా మార్చుకోడానికి మనమూ కాస్త ప్రయత్నించినా వాళ్ళం అవుతాం నిజంగా నిజం. లలిత జవెల్లెర్స్ మీద వట్టు. 
మన ఐడెంటిటీ నీ ఇతరులకన్నా మెరుగ్గా నిరూపించుకోడానికి ..వేసుకున్న బంగారమే ప్రాతిపదిక అయితే అంత కన్నా భావ దారిద్య్రం ఇంకోటి ఉండదు
ఇంతకన్నా ఎక్కువ చెపితే లేడీస్ దండ యాత్ర చేసే ప్రమాదం ఉందని ఆపేస్తున్నా
No comments:
Post a Comment