జ్ఞాపకాల జుగల్బంది

నా మనుసులో 
నీ ఉనికి ని వెతకమని 
నిన్న రాత్రి వెన్నెలతో చెప్పి 
పంపించావేమో.. 
తెరచిన కిటికీ నుండి 
వెన్నెల చినుకులు వర్షిస్తూ .
.నువ్వు తెచ్చిన సందేశం ,, 
రేయి నిశబ్దాన్ని బద్దలు చేస్తూ 
సన్నగా మదిలో జ్ఞాపకాల జుగల్బంది 
మొదలు పెట్టేశాయి . 
తడి ముంగురులు సవరిస్తూ , 
చెవిలో గుస గుస మని 
నువ్వే మాట్లడుతున్నావేమో అనిపించేలా ,, 
నాలో ఉన్న నిన్ను ,, 
నా ముందర ఆవిష్కరించేసాయి 
తప్పి పోయిన కలలన్నీ 
మళ్ళీ వెతుక్కుంటూ మళ్ళీ వచ్చేసాయి . 
నాలో ఉన్న నిన్ను దూరం చేయలేని 
నా అసహాయతను చూసి నవ్వుకుంటూ 
ఒక్కసారిగా నా నుండి 
నేను దూరంగా జరిగిపోయాను 
నీ నీడలో ఒదిగిపోతూ .