మతం

మతమట, దేవుడట
మనిషెక్కడా ?
ఈ చేతులు పూజలకేనా అంటాడొకడు 
గుజరాత్ మరణ హోమాన్ని మరచి 
ఈ చేతులు దువా కేనా అంటాడొకడు 

బాంబులు పెట్టిన దువా చేతులనెన్నో మరచి
ఈ చేతులు ప్రార్ధన కేనా ప్రభూ అంటాడొకడు 
చముర్లు యుద్దాల చేతులని మరచి 
అణ్వాయుధాన్నితొడుక్కుని 
హిట్లర్ జాత్యాహంకారాన్ని విమర్శిస్తాడొకడు 

పాలస్తీనా మీద నిప్పులు కురిపిస్తూ 
ఆ మతం ఈ మతం అన్నది లేదు
చెప్పేది అంతా శాంతి మత్రాలే 
ఆచరణ అంతా యుద్ద తంత్రాలే 

ఎదుటివాడి మతోన్మాదాన్ని విమర్శిస్తూ 
తమ జాతి ఉన్మాదాలకు ముసుగేసి 
ఎందుకీ ఇంతటి ఆత్మవంచన, 
నీ మతం తప్పు , నీ మతం తప్పు అంటూ 
ఎదుటి వాడి ని వెక్కిరిస్తూ 
పురాణ పురుషులు తప్పైతే .
ఇప్పడు తీసుకొచ్చి ఉరేద్దామనా,
మత చరిత్రల తవ్వకాలెందుకు..

లోపాల వెతుకులాట ఎందుకు 
తాతల తప్పులకు ,, 
ఇప్పుడు కత్తులు దూసుకుంటూ 
మంచి , చెడు వ్యక్తిగత లక్షణాలే ,,
సమూహ లక్షనాలెప్పుడూ కావన్న 
ఇంగితం , విచక్షణా మరచి ,
మతం తొడుగులు తొడుక్కుని ,,
మానవత్వాన్ని వదిలేసి 
ఎక్కడకీ ప్రస్తానం ?