ఉద్యమాల ఉరిలో

ఇప్ప్పుడో దేహం

మరో వాదానికి వేలాడింది 
కొన్ని మరణాలు

ఉరికొయ్య నుండీ

నిశ్సబ్దంగా స్మశానానికి చేరుకుంటే 
కొన్ని మరణాలు

ఉద్యమాలద్దుకొని

దేశమంతా ఊరేగుతాయి 

కళాశాలల వధ్యశిలపై

పదును పెట్టే వాద ప్రతివాదాల కత్తులకు 
రక్త తర్పణం

ఎప్పుడూ ఉరకలేసే ఉడుకు రక్తాలదేగా
బలిదానాలైనా .. బలి కోరే కత్తులైనా 
ఆ వాదం ఈ వాదం ఏ వాదం అయితేనేమి 
అన్నీ అస్తవ్యస్త కుటుంబాల ,

పీడిత సమాజ ఉత్పత్తులే 

సున్నితత్వం మరచిన

మనసులో పిడివాదాల విత్తు జల్లితే 
మొలకెత్తివి ఎప్పుడూ

మరణతరువులేగా 

వాదనలెప్పుడూ

సున్నితంగా తర్కిస్తే చర్చగా ముగుస్తాయని 
లేకుంటే రచ్చగానే మిగుల్తాయని

తెలుకోలేని పసి మనసులిప్పుడు 
కుల మత రాజకీయ క్రీడలో నేతల చేతి అస్త్రాలే 
వయసు వాడిలో వేడిలో

మాటలు తూటాలు గా పేలుస్తూ 
ఒకరి మనసులోకరు గాయ పరచుకుంటూ 
తమ జీవితాలకు

తామే మరణ శాసనాలు రాసుకుంటూ 
ఉద్యమాలకు ఊపిరి పోసామనే భ్రమలో 
ఉద్యమ సోపానాల

పరమద పీఠం పై

నేతల సింహాసనాలకు 
ఇటుకలు పేర్చే తాపీలు వాళ్ళు 
చేగువురా జీవితం లో

తుపాకీ పేల్చడం మాత్రమె అర్ధం చేసుకునే వయసు

జనం లో తానూ ఓ గళమై జనమే

తన గళమై జనంతో మమేకమై 
పోరాట బాణం ఎప్పుడూ

పాలకులు సృష్టించిన అసమాన వ్యవస్థ పైనే కాని 
సాటి జనం పై కాదని చెప్పే

“చే జీవితం “

అర్ధం చేసుకుంటేగా 
లేత యెర్ర సూరీల్లు .

ప్రచండ భానులై విప్లవ కిరణాలు ప్రసరించేది